اللہ کا ذکر

مولانا رومی روایت یہ فرماتے ہیں ایک صوفی اللہ کے ذکر میں شب بیداری کر رہا تھا۔ شیطان نے کہا اے صوفی خاموش رہ، تیرے ذکر کا کیا فائدہ اللہ کی طرف سے جواب نہیں آرہا ، صوفی دلبرداشتہ ہو کر سو گیا ، خواب میں حضرت خضر ی سے ملاقات ہوئی ، آپ نے فرمایا اللہ کے ذکر سے کیوں غافل ہو گئے ہو۔ صوفی کہنے لگا اللہ کی طرف سے جواب نہیں آرہا اسلئے ذکر چھوڑ دیا۔ حضرت خضر نے فرمایا: اللہ کہتا ہے اے بندے! تیرا اللہ کہنا ہی میرا جواب ہے، جب تک تیرا پہلی بار اللہ کہنا قبول نہیں ہوتا اس وقت تک میں دوسری بار کہنے کی توفیق نہیں دیتا۔