Moral Stories/ ایک اللہ والے کی نصیحت

 ایک اللہ والے سے کسی نے اپنے مقدر کی شکایت کرتے ہوئے کہا: جو کام کرتا ہوں اُلٹا ، جو کام کرتا ہوں اُلٹا ،

میرے تو سارے کام ہی الٹے پڑتے ہیں ۔ انھوں نے پوچھا : مُہر دیکھی ہے ؟

کہنے لگا : جی !

پوچھا: یہ بھی جانتے ہو کہ مہر پر لکھائی کیسے ہوتی ہے؟

کہنے لگا : مہر پر اُلٹے الفاظ لکھے جاتے ہیں ۔

اُنھوں نے پوچھا: میاں جانتے ہو وہ سیدھے کیسے ہوتے

ہیں ؟

کہنے لگا : جب مہر کاغذ پر لگتی ہے تو الفاظ سیدھے ہو جاتے

ہیں ۔

آپ نے فرمایا: جس طرح مہر اپنا ماتھا کاغذ پر ٹیکتی ہے تو اُس کے الٹے الفاظ سیدھے ہو جاتے ہیں ، اسی طرح تو بھی وضو کر کے مسجد جا اور اپنے مالک کے حضور ماتھا ٹیک ( سجدہ کر ) ، تیرے بھی اُلٹے کام سیدھے ہو جائیں

گے ۔