Hazrat Ali (RAA) Aur Torat Ka Aalim | Moral Stories Urdu | Sabaq Amoz Kahani

 تورات کا ایک عالم اور حضرت علی

Hazrat Ali (RAA) Aur Torat Ka Aalim | Moral Stories Urdu | Sabaq Amoz Kahani

ایک مرتبہ تو رات کا ایک عالم حضرت علی کے پاس آیا اور اس نے آپ کے سامنے چند سوال پیش کئے اور کہا کہ آپ مجھے ان سوالوں کے فوری طور پر جواب دیں، حضرت علی نے اس سے فرمایا کہ تم سوال کرو، اس نے کہا آپ یہ بتائیں کہ وہ کون سا مرو ہے جس کی نہ والدہ ہے اور نہ والد ہے؟۔ اور وہ کون سی عورت ہے جس کی نہ والدہ ہے اور نہ ہی والد ہے؟ اور وہ کون سا مرد ہے جس کی والدہ تو ہے مگر والد نہیں ہے؟ ، اور وہ پتھر کون سا ہے جس سے ایک جانور کی ولادت ہوئی ؟ ، اور وہ کون سی عورت ہے جس نے ایک ہی دن میں صرف تین پہروں میں ایک بچے کو جنم دیا ؟۔ اور وہ کون سے دو دوست ہیں جو کبھی بھی آپس میں دشمن نہیں بنیں گے؟ ، اور وہ کون سے دو دشمن ہیں جو کبھی بھی آپس میں دوست نہیں بنیں گے؟، اس عالم کے سوالات ختم ہوتے ہیں حضرت علی نے اس سے فرمایا کہ تمہارے سوالوں کے جوابات یہ ہیں کہ وہ مرد جس کا نہ والد ہے نہ والدہ ہے۔ 

 وہ حضرت آدم علیہ السلام ہیں، اور وہ عورت جس کی نہ والدہ ہے نہ ہی والد ہے وہ بی بی حوا علیہ السلام ہیں، اور وہ جس کی والدہ تو ہیں پر والد نہیں وہ حضرت عیسی علیہ السلام ہیں، جس پتھر کے بارے میں تم نے پوچھا یہ وہ پتھر ہے جس سے حضرت صالح علیہ السلام کی اونٹنی کی پیدائش ہوئی تھی۔

 اور وہ عورت جس نے ایک ہی دن میں تین پہروں میں ایک بچے کو جنم دیا وہ حضرت مریم علیہ السلام ہیں، جن کو ایک پہر میں حمل ٹھہر ادوسرے پہر میں زچگی کا درد شروع ہوا اور تیسرے پہر میں حضرت عیسی علیہ السلام کی ولادت پاک ہوئی ، اور وہ دو دوست جو بھی بھی آپس میں دشمن نہیں بنیں گے۔

  وہ روح اور جسم ہیں اور وہ دو دشمن جو بھی بھی دوست نہیں بنیں گے وہ موت اور زندگی ہیں، یہ جوابات سن کر وہ عالم حیرت کے سمندر میں کھو گیا اور کہنے لگا اے علی بلا شبہ آپ نے درست جوابات دیئے اور واقعی آپ علم کے شہر کا دروازہ ہیں۔